× Карта сайта
Ovozli hamrohlik

Saytda ovozli hamkor mavjud.

matnni tinglash uchun uni sichqoncha bilan tanlang

Maxsus imkoniyatlar

E'lonlar

Oʻzbekiston Respublikasi Vazirlar Mahkamasining 2019-yil 24-iyuldagi 620-son qarori bilan tasdiqlangan “Xorijiy davlatlarda taʼlim olganlik toʻgʻrisidagi hujjatlarni tan olish tartibi toʻgʻrisida”gi Nizom ijrosini taʼminlash maqsadida Taʼlim sifatini nazorat qilish davlat inspeksiyasida (Toshkent shahar, Chilonzor tumani, Nurxon koʻchasi, 21-uy) 2022-yil 26 - 29 - aprel kunlari sohalar boʻyicha sinov testlari boʻlib oʻtishi rejalashtirilgan. “Huquqshunoslik”, “Sogʻliqni saqlash va ijtimoiy taʼminot”, “Iqtisodiyot”, “Qishloq xoʻjaligi, muhandislik, ishlov berish va qurilish” hamda “Oʻqituvchilar tayyorlash va pedagogik fanlar” sohalari boʻyicha sinov testlari oʻtkaziladigan sanasi va sinov testida ishtirok etuvchilar roʻyxati quyidagi jadvalga muvofiq belgilanadi. “Huquqshunoslik” “Sogʻliqni saqlash va ijtimoiy taʼminot” “Iqtisodiyot” “Qishloq xoʻjaligi, muhandislik, ishlov berish va qurilish” “Oʻqituvchilar tayyorlash va pedagogik fanlar” Sinovlar karantin qoidalariga qatʼiy amal qilgan holda oʻtkaziladi. Taʼlim sifatini nazorat qilish davlat inspeksiyasi ogohlantiradi: Xorijiy davlatlarda taʼlim olganlik toʻgʻrisidagi hujjatlarni tan olish uchun belgilangan sinov testlariga oʻz vaqtida kelmagan, sinov testida ishtirok etuvchilar roʻyxatida mavjud boʻlmagan, tana harorati 37°C dan yuqori boʻlgan talabgorlarga sinovlarga kirishga ruxsat etilmaydi.
Hurmatli ishtirokchilar, Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi hamda Taʼlim sifatini baholash boʻyicha xalqaro tadqiqotlarni amalga oshirish milliy markazi sizni 2022-yil 11-12-aprel kunlari Toshkent shahrida oʻtkaziladigan “Taʼlimdagi xalqaro tadqiqotlarning Yangi Oʻzbekiston taraqqiyotidagi oʻrni” mavzusidagi xalqaro ilmiy-amaliy konferensiyada ishtirok etish uchun taklif qiladi. Ushbu xalqaro konferensiya Taʼlim sifatini nazorat qilish davlat inspeksiyasi bilan Iqtisodiy hamkorlik va taraqqiyot tashkiloti (OECD) oʻrtasida imzolangan shartnoma asosida 2022-yil aprel-may oylarida Oʻzbekiston umumtaʼlim muassasalarida “Oʻquvchilarni baholash xalqaro PISA 2022 dasturi” asosiy sinov jarayonlarining ramziy ochilishiga bagʻishlanadi. Xalqaro konferensiya tashkilotchilari: Taʼlim sifatini nazorat qilish davlat inspeksiyasi, Xalq taʼlimi vazirligi, Taʼlim sifatini baholash boʻyicha xalqaro tadqiqotlarni amalga oshirish milliy markazi, Iqtisodiy hamkorlik va taraqqiyot tashkiloti (OECD), YUNISEF, YUNESKO Xalqaro konferensiyaning maqsadi: Oʻzbekistonda taʼlimdagi islohotlar haqida xalqaro hamjamiyatning xabardorligini oshirish, mamlakatimizning taʼlimga oid nufuzli xalqaro reytingda namoyon boʻlishi hamda nufuzining mustahkam-lanishiga erishishning ilmiy asoslarini yaratish. Taʼlim sifatini baholash tizimini takomillashtirishda xalqaro talablarni joriy qilish. Xalqaro tadqiqotlarda mamlakat ishtirokining muhimligi va ularning inson kapitalini rivojlantirish hamda yurtimizning strategik rivojlanishidagi ahamiyati haqida jamoatchilikni xabardor qilish. Shuningdek, taʼlim sohasidagi yirik xalqaro tashkilotlar va nufuzli ekspertlarning fikrlari va tavsiyalarini olish hamda Oʻzbekistonning xalqaro miqyosda nufuzini yuksaltirish orqali xorijiy investitsiyalar oqimini kengaytirishdan iborat. Xalqaro konferensiyaning dolzarbligi: Oʻzbekiston Respublikasi Prezidentining “Oʻzbekiston Respublikasi Xalq taʼlimi tizimini 2030-yilgacha rivojlantirish konsepsiyasini tasdiqlash toʻgʻrisida” 2019-yil 29-apreldagi PF-5712-son farmoniga koʻra Oʻzbekistonning Oʻquvchilarni baholash xalqaro PISA dasturi reytingida jahonning birinchi 30 ta ilgʻor mamlakatlari qatoriga kirishiga erishish maqsadlari belgilangan. Shuningdek, Vazirlar Mahkamasining “Xalq taʼlimi tizimida taʼlim sifatini baholash sohasidagi xalqaro tadqiqotlarni tashkil etish chora-tadbirlari toʻgʻrisida” 2018-yil 8-dekabrdagi 997-son qaroriga muvofiq taʼlim tizimida oʻqish, matematika va tabiiy-ilmiy yoʻnalishdagi fanlardan savodxonlik darajasini rivojlantirishning innovatsion metodlarini ishlab chiqish va joriy etishga yoʻnaltirilgan ilmiy izlanishlar olib borish, taʼlim sifatini baholash sohasida xalqaro aloqalarni oʻrnatish, hamkor loyihalarni amalga oshirish, xalqaro ilmiy anjumanlar va simpoziumlarni tashkil etish, xalqaro baholash dasturlarini taʼlim jarayoniga joriy etish, ushbu sohadagi ilgʻor tajribalarni ommalashtirish hamda uning asosida taʼlim muassasalari uchun tavsiyalar va qoʻllanmalar ishlab chiqishda ishtirok etish vazifalari dolzarb masala sifatida qayd etilgan. Xalqaro konferensiya quyidagi yoʻnalishlar boʻyicha maqolalarni qabul qiladi: Inson kapitalini rivojlantirish Taʼlim sifatini oshirishda xalqaro tadqiqotlarning ahamiyati (PISA, PIRLS, TIMSS, TALIS); Oʻquvchilarning amaliy koʻnikmalari, kreativligini baholash va rivojlantirish (PISA misolida); Taʼlim sifatini baholash tizimini takomillashtirishda xalqaro tajriba; Oʻquvchilarning oʻqish savodxonligini baholash va rivojlantirish (PIRLS, PISA); Oʻquvchilarning matematik va tabiiy-ilmiy savodxonligini baholash va rivojlantirish (PISA, TIMSS misolida); Maktablarda boshqaruv tizimi va muhitini yaxshilash, oʻqituvchilar maqomini oshirish (TALIS misolida). Xalqaro konferensiyaning rasmiy tillari: oʻzbek, rus, ingliz tillari. Konferensiyada xalqaro va xorijiy tashkilotlar ekspertlari, mahalliy vazirlik, idora va tashkilotlar xodimlari, oliy taʼlim muassasalari professor oʻqituvchilari, umumtaʼlim maktablari pedagoglari, yosh olimlar, tayanch doktorantlar hamda mustaqil izlanuvchilar, taʼlim tizimi boshqaruv organlari vakillari tomonidan yuborilgan maqolalar qabul qilinadi. Maqolalar 2022-yil 5-aprelgacha pisa2022conference@gmail.com elektron pochtasi hamda @pisa2022conference telegram manziliga yuborilishi mumkin. Axborot xati Информационное письмо Information letter
Qoraqalpogʻiston Respublikasi va viloyatlardagi pedagoglarning oʻquv fani boʻyicha malaka (test) sinovi oʻtkazilish muddatlari maʼlum boʻldi. Sinovlar 2022-yilning 25-martidan boshlab 21-apreliga qadar oʻtkaziladi. Attestatsiyaga jalb qilingan pedagoglar belgilangan muddatlarda shaxsini tasdiqlovchi hujjatlari (PASPORT va murojaat yuborishda toʻldirilgan soʻrovnoma )lari bilan belgilangan vaqtdan yarim soat oldin imtihon oʻtkaziladigan manzillarga yetib kelishlari lozim boʻladi. Toshkent viloyati pedagoglari uchun malaka (test) sinovlari 4-apreldan boshlanadi. Fanlar kesimidagi jadval qoʻshimcha ravishda Taʼlim inspeksiyasining rasmiy sayti va ijtimoiy tarmoqlardagi sahifalari orqali eʼlon qilinadi.
Oʻzbekiston Respublikasi Vazirlar Mahkamasining 2019-yil 24-iyuldagi 620-son qarori bilan tasdiqlangan “Xorijiy davlatlarda taʼlim olganlik toʻgʻrisidagi hujjatlarni tan olish tartibi toʻgʻrisida”gi Nizom ijrosini taʼminlash maqsadida Taʼlim sifatini nazorat qilish davlat inspeksiyasida (Toshkent shahar, Chilonzor tumani, Nurxon koʻchasi, 21-uy) 2022-yil 29-mart – 1 - aprel kunlari sohalar boʻyicha sinov testlari boʻlib oʻtishi rejalashtirilgan. “Huquqshunoslik”, “Sogʻliqni saqlash va ijtimoiy taʼminot”, “Iqtisodiyot”, “Qishloq xoʻjaligi, muhandislik, ishlov berish va qurilish” hamda “Oʻqituvchilar tayyorlash va pedagogik fanlar” sohalari boʻyicha sinov testlari oʻtkaziladigan sanasi va sinov testida ishtirok etuvchilar roʻyxati quyidagi jadvalga muvofiq belgilanadi. “Huquqshunoslik” “Sogʻliqni saqlash va ijtimoiy taʼminot” “Iqtisodiyot” “Qishloq xoʻjaligi, muhandislik, ishlov berish va qurilish” “Oʻqituvchilar tayyorlash va pedagogik fanlar” Sinovlar karantin qoidalariga qatʼiy amal qilgan holda oʻtkaziladi. Taʼlim sifatini nazorat qilish davlat inspeksiyasi ogohlantiradi: Xorijiy davlatlarda taʼlim olganlik toʻgʻrisidagi hujjatlarni tan olish uchun belgilangan sinov testlariga oʻz vaqtida kelmagan, sinov testida ishtirok etuvchilar roʻyxatida mavjud boʻlmagan, tana harorati 37°C dan yuqori boʻlgan talabgorlarga sinovlarga kirishga ruxsat etilmaydi.