× Карта сайта
Ovozli hamrohlik

Saytda ovozli hamkor mavjud.

matnni tinglash uchun uni sichqoncha bilan tanlang

Maxsus imkoniyatlar

Yangiliklar

2022-yilning 1-dekabr kuni “Effekt Makarenko” telegram kanalida Fargʻona viloyatidagi “TM Qoʻqon” MCHJ va Namangan viloyatidagi “TEXNIKA OʻQUV SERVIS POP BOʻLIMI” MCHJga avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni oʻtkazish boʻyicha nodavlat taʼlim xizmatlari koʻrsatish faoliyatiga viloyat ichki ishlar boshqarmalari tomonidan “standartlarga javob bermasa ham, avtomatlashtirilganman boʻlsa ham Taʼlim inspeksiyasi tomonidan litsenziya berilgan” degan mazmundagi axborot eʼlon qilindi. Ushbu masala yuzasidan quyidagilarni maʼlum qilamiz: Maʼlumki, bugungi kunda avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish hamda avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni oʻtkazish boʻyicha nodavlat taʼlim xizmatlari koʻrsatish faoliyatini litsenziyalash Vazirlar Mahkamasining 2018-yil 31-maydagi 408-son qarori bilan tasdiqlangan Avtomototransport vositalari va shahar elektr transporti vositalari haydovchilarini tayyorlash va qayta tayyorlash hamda avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni oʻtkazish boʻyicha nodavlat taʼlim xizmatlari koʻrsatish faoliyatini litsenziyalash tartibi toʻgʻrisidagi nizomga asosan amalga oshirilmoqda. Mazkur Nizomga muvofiq litsenziya daʼvogarlarining arizalari Vazirlar Mahkamasi huzuridagi Taʼlim sifatini nazorat qilish davlat inspeksiyasi (uning hududiy boʻlimlari) tomonidan koʻrib chiqiladi. Shuningdek, Taʼlim inspeksiyasi litsenziya berish yoki litsenziya berishni rad etish toʻgʻrisidagi qarorni qabul qilishda Ichki ishlar vazirligi Davlat yoʻl harakati xavfsizligi xizmati va Oʻzbekiston Respublikasi Transport vazirligining hududiy boʻlinmalaridan malakali mutaxassislarni jalb etgan holda talab va shartlarda belgilangan moddiy-texnik va oʻquv-metodik bazaga ega ekanligi toʻgʻrisidagi ekspertiza xulosalarini tayyorlash jarayonini tashkil etishi belgilangan. Davlatning iqtisodiyotdagi ishtirokini qisqartirish, bozor sharoitida raqobatni yanada rivojlantirish, tadbirkorlikning yangi yoʻnalishlarini rivojlantirishga qoʻshimcha imkoniyatlar yaratish, fuqarolarning ishchanlik faolligini oshirish, aholiga xizmat koʻrsatish tizimini yanada takomillashtirish maqsadida avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni oʻtkazish boʻyicha nodavlat taʼlim xizmatlari koʻrsatish uchun tadbirkorlarga keng imkoniyatlar yaratilmoqda. “TEXNIKA OʻQUV SERVIS POP BOʻLIMI” MCHJ tomonidan avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni oʻtkazish yoʻnalishi boʻyicha litsenziya olish uchun 2021-yilda ikki marta, 2022-yilda uch marta, “TM QOʻQON” MCHJ tomonidan esa 2021-yilda bir marta, 2022-yilda ikki marta ariza bilan murojaat qilingan, lekin maxsus litsenziya talablari va shartlari toʻliq bajarilmaganligi sababli litsenziya berish rad etilgan. “TEXNIKA OʻQUV SERVIS POP BOʻLIMI” MCHJ tomonidan avvalgi murojaatlarni rad qilish boʻyicha tuzilgan dalolatnomalarda koʻrsatib oʻtilgan kamchiliklar bartaraf etilib, 2022-yilning 8-iyul kuni takroran (beshinchi marta) murojaat qilgan. Mazkur murojaat Taʼlim inspeksiyasi Namangan viloyati hududiy boʻlimi, Transport boshqarmasi hamda Namangan viloyat IIB YHXB ning masʼullari ishtirokida litsenziya talablari va shartlariga muvofiqligi oʻrganib chiqilgan va ijobiy xulosa berilgan. Xuddi shunday, “TM QOʻQON” MCHJ tomonidan avvalgi murojaatlarni rad qilish boʻyicha tuzilgan dalolatnomalarda koʻrsatib oʻtilgan kamchiliklar bartaraf etilib, 2022-yilning 29-iyul kuni takroran (uchinchi marta) qilgan murojaati Taʼlim inspeksiyasi Fargʻona viloyati hududiy boʻlimi, Transport boshqarmasi hamda Fargʻona viloyati IIB YHXBning masʼul xodimlari ishtirokida litsenziya talablari va shartlariga muvofiqligi oʻrganib chiqilgan va ijobiy xulosa berilgan. Masʼul ishchi guruhlarning ekspertiza xulosasiga koʻra, “TEXNIKA OʻQUV SERVIS POP BOʻLIMI” MCHJ va “TM QOʻQON” MCHJ tomonidan avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni oʻtkazish yoʻnalishi boʻyicha Vazirlar Mahkamasining 2018-yil 31-maydagi 408-son qarorida belgilangan talablar toʻliq bajarilgan deb topilgan hamda litsenziya berishga tavsiya etilgan. Yuqorida qayd etilgan tashkilotlar faoliyat koʻrsatish uchun tegishli litsenziyaga ega boʻlsada, nomaʼlum sabablarga koʻra bugungi kunga qadar faoliyat koʻrsatmayotgani, yaʼni imtihonlar oʻtkazmayotgani maʼlum boʻldi. Ichki ishlar vazirligi tomonidan joriy yilning 30-oktyabr kuni Taʼlim inspeksiyasiga ushbu tashkilotlar faoliyatining litsenziya talablari va shartlariga muvofiqligini aniqlash boʻyicha qayta oʻrganish boʻyicha murojaat xati yuborilgan. Taʼkidlash joizki, tajribada ayrim nodavlat taʼlim tashkilotlarida litsenziya rasmiylashtirilgunga qadar ishchi guruh tomonidan joyiga chiqqan holda oʻrganish oʻtkazilgunga qadar taʼlim tashkilotining moddiy-texnik va oʻquv-metodik bazasini talab darajasida koʻrsatish hamda zaruriy vosita va jihozlar bilan vaqtinchalik jihozlab qoʻyish holatlari kuzatilgan. Bu kabi holatlar aniqlanganda litsenziat kamchiliklarni bartaraf etish boʻyicha qonunchilikda belgilangan tartibda ogohlantiriladi. Ushbu talablar bajarilmagan taqdirda, litsenziyaning amal qilishini toʻxtatib turish, tugatish yoki bekor qilish boʻyicha sudga murojaat qilinadi. Yuqoridagi kabi litsenziya talablari va shartlariga amal qilmaslik holatlari kuzatilgan taqdirda, Taʼlim inspeksiyasi tomonidan tashkilotlarni oʻrganish boʻyicha Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilga (Biznes-ombudsman) xabar yuboriladi. Taʼlim inspeksiyasi “TEXNIKA OʻQUV SERVIS POP BOʻLIMI” MCHJ va “TM QOʻQON” MCHJdagi holatlarni Biznes-ombudsman tomonidan ruxsat berilganidan soʻng Ichki ishlar vazirligi mutaxassislari, ommaviy axborot vositalari va blogerlar, shu jumladan Nikita Makarenko ishtirokida oʻrganib chiqishga tayyor ekanligini hamda kamchiliklar aniqlangan taqdirda tegishli choralar koʻrilishini maʼlum qiladi.
Avval xabar berganimizdek, ayni kunlarda Taʼlim sifatini nazorat qilish davlat inspeksiyasi ishchi guruhi tomonidan pedagog kadrlar tayyorlovchi oliy taʼlim muassasalari faoliyati samaradorligini oʻrganish jarayonlari oʻtkazilmoqda. Shu kabi jarayonlar oldidan Navoiy davlat pedagogika institutida muhokamalar tashkil etildi. Unda Taʼlim inspeksiyasi mutasaddilari bilan bir qatorda hududlardagi xalq taʼlimi va maktabgacha taʼlim boshqarmalari mutasaddilari, shuningdek, hududlardagi oliy taʼlim muassasalari rahbariyati, fakultet dekanlari, boʻlim boshliqlari, kafedra mudirlari ishtirok etishdi. Tadbirda Oʻzbekiston Respublikasi Prezidentining 2022-yil 21-iyundagi “Pedagogik taʼlim sifatini oshirish va pedagog kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari toʻgʻrisida”gi qarorida belgilangan vazifalaridan kelib chiqib, amalga oshirilayotgan ishlar muhokama qilindi. Oʻrganishlardan koʻzlangan asosiy maqsad taʼlim muassasalaridagi sifat va samaradorlik koʻrsatkichlarini oshirish hamda pedagogika oliy taʼlim muassasalarida ilmiy va innovatsion faoliyatni samarali tashkil etish orqali kadrlar tayyorlash tizimining raqobatbardoshligini oshirishdan iborat. Shu bilan birgalikda mazkur bunda taʼlim yoʻnalishlari (mutaxassisliklar) boʻyicha taʼlim dasturlari (malaka talabi, oʻquv reja va dasturlar)ni kadrlar buyurtmachilarining talab va ehtiyojlarini hisobga olgan holda ishlab chiqilganligi va ularga kiritilgan oʻzgarishlar holati va xalqaro baholash dasturlari (PISA, TIMSS, PIRLS, TALIS) talablariga hamda xorijiy tajribalar asosida taʼlim dasturlariga kiritilgan oʻzgartirishlarga eʼtibor berilmoqda. Bundan tashqari, oliy taʼlim muassasalaridagi maʼnaviy-maʼrifiy muhit, kunduzgi taʼlim shaklida tahsil olayotgan 2-4-bosqich talabalari uchun haftalik oʻquv mashgʻulotlarini “4+2” tartibida tashkil etish boʻyicha qilingan ishlar holati, ixtisoslik kafedralari professor-oʻqituvchilarining xorijiy davlatlarga malaka oshirish va stajirovkaga yuborish tizimi, mustaqil taʼlimni tashkil etish boʻyicha elektron taʼlim platformalarining holati hamda uni boyitish boʻyicha amalga oshirilgan ishlar ham oʻrganilmoqda. Oʻrganish jarayonlari davom etmoqda.
Avval xabar berganimizdek, ayni kunlarda Taʼlim sifatini nazorat qilish davlat inspeksiyasi ishchi guruhi tomonidan Respublikamiz boʻylab xalqaro tajriba asosida oʻtkaziladigan 1-4-sinf darsliklari tajriba-sinovdan oʻtkaziladigan tayanch maktablari hamda pedagog kadrlar tayyorlovchi oliy taʼlim muassasalari faoliyati samaradorligini oʻrganish jarayonlari oʻtkazilmoqda. Shu kabi jarayonlar oldidan Buxoro davlat universiteti, Buxoro davlat pedagogika instituti, Andijon davlat pedagogika institutiб Andijon davlat chet tillari institutida muhokamalar tashkil etildi. Unda Taʼlim inspeksiyasi mutasaddilari bilan bir qatorda hududlardagi xalq taʼlimi va maktabgacha taʼlim boshqarmalari mutasaddilari, shuningdek, hududlardagi oliy taʼlim muassasalari rahbariyati, fakultet dekanlari, boʻlim boshliqlari, kafedra mudirlari ishtirok etishdi. Tadbirda Oʻzbekiston Respublikasi Prezidentining 2022-yil 21-iyundagi “Pedagogik taʼlim sifatini oshirish va pedagog kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari toʻgʻrisida”gi qarorida belgilangan vazifalaridan kelib chiqib, amalga oshirilayotgan ishlar muhokama qilindi. Oʻrganishlardan koʻzlangan asosiy maqsad taʼlim muassasalaridagi sifat va samaradorlik koʻrsatkichlarini oshirish hamda pedagogika oliy taʼlim muassasalarida ilmiy va innovatsion faoliyatni samarali tashkil etish orqali kadrlar tayyorlash tizimining raqobatbardoshligini oshirishdan iborat. Shu bilan birgalikda mazkur bunda taʼlim yoʻnalishlari (mutaxassisliklar) boʻyicha taʼlim dasturlari (malaka talabi, oʻquv reja va dasturlar)ni kadrlar buyurtmachilarining talab va ehtiyojlarini hisobga olgan holda ishlab chiqilganligi va ularga kiritilgan oʻzgarishlar holati va xalqaro baholash dasturlari (PISA, TIMSS, PIRLS, TALIS) talablariga hamda xorijiy tajribalar asosida taʼlim dasturlariga kiritilgan oʻzgartirishlarga eʼtibor berilmoqda. Bundan tashqari, oliy taʼlim muassasalaridagi ma’naviy-ma’rifiy muhit, kunduzgi taʼlim shaklida tahsil olayotgan 2-4-bosqich talabalari uchun haftalik oʻquv mashgʻulotlarini “4+2” tartibida tashkil etish boʻyicha qilingan ishlar holati, ixtisoslik kafedralari professor-oʻqituvchilarining xorijiy davlatlarga malaka oshirish va stajirovkaga yuborish tizimi, mustaqil taʼlimni tashkil etish boʻyicha elektron taʼlim platformalarining holati hamda uni boyitish boʻyicha amalga oshirilgan ishlar ham oʻrganilmoqda. Shuningdek, mazkur oʻrganishlarda oliy taʼlim muassasalari bilan bir qatorda maktablardagi taʼlim sifatini oshirish oid belgilangan vazifalar ijrosi, xalqaro tajribalar asosida yaratilgan zamonaviy darsliklarini tajriba-sinovdan oʻtkazish jarayonlarini tizimli tashkil etish boʻyicha hududda yaratilgan sharoitlar tahlil qilinishi koʻzda tutilgan. Oʻrganish jarayonlari davom etmoqda.
Ayni kunlarda Taʼlim sifatini nazorat qilish davlat inspeksiyasi ishchi guruhi tomonidan Respublikamiz boʻylab xalqaro tajriba asosida oʻtkaziladigan 1-4-sinf darsliklari tajriba-sinovdan oʻtkaziladigan tayanch maktablari hamda pedagog kadrlar tayyorlovchi oliy taʼlim muassasalari faoliyati samaradorligini oʻrganish jarayonlari tashkil etilmoqda. Oʻrganishlardan koʻzlangan asosiy maqsad taʼlim muassasalaridagi sifat va samaradorlik koʻrsatkichlarini oshirish hamda pedagogika oliy taʼlim muassasalarida ilmiy va innovatsion faoliyatni samarali tashkil etish orqali kadrlar tayyorlash tizimining raqobatbardoshligini oshirishdan iborat. Shu kabi jarayonlar, Qoraqalpogʻiston Respublikasida ham tashkil etildi. Xususan, joriy yilning 28-noyabr kuni oʻrganishlar oldidan Ajiniyoz nomidagi Nukus davlat pedagogika institutida Taʼlim sifatini nazorat qilish davlat inspeksiyasi ishchi guruhi aʼzolari bilan uchrashuv tashkil etildi. Unda Taʼlim inspeksiyasi mutasaddilari bilan bir qatorda Qoraqalpogʻiston Respublikasi Xalq taʼlimi vaziri Ahmed Narimbetov, Maktabgacha taʼlim vaziri Gulzira Baxiyeva va mazkur vazirliklarning masʼul xodimlari, shuningdek, institut rahbariyati, fakultet dekanlari, boʻlim boshliqlari, kafedra mudirlari ishtirok etishdi. Tadbirda Oʻzbekiston Respublikasi Prezidentining 2022-yil 21-iyundagi “Pedagogik taʼlim sifatini oshirish va pedagog kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari toʻgʻrisida”gi qarorida belgilangan vazifalaridan kelib chiqib, amalga oshirilayotgan ishlar muhokama qilindi. Shuningdek, maktab taʼlimi sifatini oshirish oid belgilangan vazifalarga muvofiq, xalqaro tajribalar asosida yaratilgan zamonaviy darsliklarini tajriba-sinovdan oʻtkazish jarayonlarini tizimli tashkil etish boʻyicha hududda yaratilgan sharoitlar tahlil qilindi. Tajriba-sinov jarayonlari oʻtkaziladigan Nukus shahridagi 32-sonli maktabning boshlangʻich sinf xonalarini jihozlash xamda maktabdagi mavjud sharoitlarni tajriba-sinov jarayonlariga moslashtirish boʻyicha amaliy yordam koʻrsatilmoqda. Oʻrganish jarayonlari davom etmoqda.